Azərbaycan, Bakı, 12 iyun /Trend, müxbir H.Vəliyev/
"Elektron hökumət" platforması "bulud" texnologiyalarına əsaslanacaq. Trend-in məlumatına görə, bunu cümə axşamı rabitə və yüksək texnologiyalar nazirinin müavini Elmir Vəlizadə III illik beynəlxalq "IDC IT Security and Datacenters Transformations-2014" konfransında deyib.
Onun sözlərinə görə, "bulud" texnologiyalarının tətbiq edilməsində əsas məqsəd xərclərin azaldılması, vətəndaşlara daha keyfiyyətli xidmət göstərilməsi, informasiya təhlükəsizliyinin təmin edilməsidir.
E.Vəlizadə qeyd edib ki, beynəlxalq təcrübəni nəzərə alaraq bu addım Azərbaycan üçün lazımdır: "Bu, ən qabaqcıl texnoloji həllərə əsaslanacaq. "Elektron hökumət" gündən-günə geniş populyarlıq qazanır. Elektron xidmətlər portalı (e-gov.az - red.) yeni xidmətlərlə zənginləşir ki, bu da əhalidə maraq doğurur".
