Azərbaycan, Bakı, 7 noyabr /Trend/
Azərbaycan və İran informasiya-kommunikasiya texnologiyaları sahəsində əməkdaşlıq haqqında ikitərəfli dövlətlərarası saziş imzalayacaqlar. Trend-in məlumatına görə, bu barədə jurnalistlərə rabitə və yüksək texnologiyalar naziri Əli Abbasov bildirib.
Onun sözlərinə görə, söhbət iki sənədin imzalanmasından gedir: "Birinci sənəd poçt rabitəsi sahəsində əməkdaşlığı, ikincisi isə ümumilikdə İKT sahəsini əhatə edir".
Qeyd edək ki, yaxın günlərdə İran Prezidenti Həsən Ruhaninin Azərbaycana səfəri gözlənilir.
