Azərbaycan, Bakı, 15 fevral /Trend, müxbir Hüseyn Vəliyev/
Azərbaycanda yeni elektron ticarət platforması hazırlanır. Bu barədə Trend-ə telekommunikasiya bazarındakı mənbə məlumat verir.
Layihə İnformasiya Texnologiyalarının İnkişafı Dövlət Fondunun qrantı hesabına həyata keçirilir.
Elektron ticarətin inkişafına yönəlmiş yeni platforma ilin birinci yarısının sonuna kimi istifadəyə veriləcək.
İstehlakçıya sifarişlərin çatdırılmasını "Azərpoçt" yerinə yetirəcək. Alınan malların çatdırılması xidməti "EMS Azerexpresspost" sisteminin köməyi ilə göstəriləcək.