İlin sonunadək AR Xaçmaz rayonu rabitəsinin elektronlaşdırılması planlaşdırılır. Aztelekom İB-də Trend ə bildirilib ki, bunun üçün artıq müvafiq tender elan edilib.
İB-də həmçinin qeyd olunub ki, yenidənqurulma nəticəsində rayonun mərkəzi ATS-nin nömrə tutumu (hazırda 512 nömrə təşkil edir) 5 minədək artırılacaq.
Bundan başqa, hazırda Xaçmazın Telekommunikasiya qovşağında Yalamada 256 nömrə tutumlu EATS-lərin quraşdırılması aparılır.Eyni zamanda Aşağı Zeyid kəndində 256 nömrə tutumlu EATS quraşdırılır.
Bununla yanaşı Gülalan, Əhmədoba, Armudpadar və Palçıqoba kəndlərində yeni stansiyaların quraşdırılması planlaşdırılır.Bütünlükdə Xaçmazda 26 kənd ATS fəaliyyət göstərir.
