Azərbaycan ölkə hökuməti ilə Maltanın First International Merchant Bank-ı (FIM Bank) arasındakı məhkəmə işi üzrə Rotterdam dairə məhkəməsinin son qərarını gözləyir. Trend in xəbər verdiyi kimi, bu barədə iyulun 4-də rabitə və informasiya texnologiyaları naziri Əli Abbasov məlumat verib.
FIM Bank Rabitə Nazirliyinin mövcud olmayan müəssisələrinə (Aztell $3035000 və Baktell - $1560000) Nazirliyin və Pochtbank SKB-nin zəmanəti ilə verilmiş kreditin ödənilməməsi faktı üzrə Azərbaycan hökumətinə qarşı iddia qaldırıb.
Nazir son qərarın Azərbaycanın xeyrinə qəbul ediləcəyinə əminliyini bildirib.
"Sonuncu məhkəmə iclasında bank bu işdə adları çəkilən şahidlərin əlavə dinlənilməsini də tələb edib. Bu prosedur iddiaçının özü tərəfindən maliyyələşdirilməlidir", - deyə Ə.Abbasov vurğulayıb.
Ə.Abbasov hesab edir ki, məhkəmə işi 2006-cı ilin sonlarınadək həll oluna bilər.
