Rabitə və İnformasiya Texnologiyaları Nazirliyi Azərbaycan hökuməti və Dünya bankının poçt şəbəkəsinin modernləşdirilməsini nəzərdə tutan "Maliyyə xidmətlərinin inkişafı" layihəsi üzrə konsaltinq şirkətinin seçilməsi ilə bağlı tenderin başa çatmasını gözləyir. Trend in Nazirliyin mətbuat xidmətinə istinadən xəbər verdiyi kimi, tender komissiyası təklif irəli sürmüş 17 şirkətdən 3-nü seçib.
Layihə çərçivəsində Azerpocht DM üçün kompüter avadanlıqlarının tədarükü və server otağının yaradılması üzrə tenderlər keçirilib.
Layihə çərçivəsində daha bir neçə tenderin keçirilməsi planlaşdırılır.
Layihənin gerçəkləşdirilməsindən sonra Azerpocht maliyyə və bank xidmətləri həyata keçirmək üçün milli ödəniş sisteminə qoşulacaq.
Nazirlikdə hesab olunur ki, Azerpocht 2007-ci ildən başlayaraq maliyyə və bank xidmətləri göstərməyə başlayacaq. Poçt şöbələri vasitəsilə mikrokreditlərin verilməsi də planlaşdırılır.
Layihə Azərbaycanda 2005-2008-ci illərdə rabitə və telekommunikasiya sisteminin inkişafı üzrə Dövlət Proqramı çərçivəsində gerçəkləşdirilir. 3 illik layihənin dəyəri $17,5 mln təşkil edir. Bunun 12,25 mln dolları DB, yerdə qalan hissə isə Azərbaycan hökuməti tərəfindən ayrılır.
