Paris məhkəməsi Malta FIMbank-ının (First International Merchant) işi üzrə Rabitə və İnformasiya Texnologiyaları Nazirliyinin qismində Azərbaycanın xeyrinə qərar çıxarıb. Xatırladaq ki, 2004-cü ilin iyulunda həmin bank Rabitə Nazirliyi və Pochtbank SKB-nin zəmaməti ilə Nazirliyin mövcud olmayan Aztell və Baktell müəssisələrinə $ 3035000 və $1560000 məbləğində verilmiş kreditin ödənilməməsi faktı üzrə Azərbaycan hökumətinə qarşı iddia qaldırıb. Rabitə Nazirliyindən Trend ə verilən məlumata görə, bu gün məhkəmə Azərbaycanın Fransanın Eutelsat S.A bankına qoyduğu 500 min səhm və onların $1 mln-dan çox dividentlərinə tətbiq olunmuş həbs qərarını ləğv edib.
Bundan başqa, məhkəmənin qərarı ilə bank vurduğu mənəvi ziyana görə 5 min avro və məhkəmə-prosedur məsələləri ilə bağlı xərclərə görə əlavə 900 avro ödəməlidir.
"İndi Azərbaycan tərəfi əvvəllər girov kimi xüsusi hesaba köçürülmüş bu vəsaitlərlə bağlı da belə qərarın çıxarılmasına nail olmaq niyyətinddir. Bu artıq formal məsələdir və yaxın günlərdə həll olunmalıdır"- deyə nazirlikdən qeyd olunub.
