Dünən Azərbaycan Milli Elmlər Akademiyasının (AMEA) İnformasiya Texnologiyaları İnstitutunda (İTİ) respublika elmi tədqiqatların təşkili və əlaqələndirməsi şurası bürosunun 19 iyun 2006-cı il tarixli qərarına əsasən yaradılmış komissiyanın ikinci iclası keçirilib. Bu barədə Trend AMEA-ya istinadən xəbər verir.
Bu komissiya Problem Şuralarının elmi istiqamətlər üzrə fəaliyyətini tənzimləmək məqsədilə əsasnamənin və digər normatıv sənədlərin hazırlanması üçün yaradılıb.
İclasda komissiya üzvləri - akademiklər İsmayıl İbrahimov və Maqsud Əliyev, AMEA-nın müxbir üzvləri Məsumə Məlikova və Akif Əzizov, AMEA İnformasiya Texnologiyaları İnstitutunun direktoru, texnika elmləri doktoru Rasim Əliquliyev və AMEA Elmi-Təşkilat şöbəsinin baş mütəxəssisi Fariz Ağayev iştirak edib.
İclasda komissiya üzvləri bu Əsasnamənin hazırlanmasına dair məsələləri müzakirə ediblər.