"Azercell Telecom" şirkətdəki dövlət payının özəlləşdirilməsindən sonra fəaliyyət strategiyasını dəiyşmək fikrində deyil. Trend xəbər verir ki, bu barədə şirkətin baş direktoru Halim Atəş bildirib.
Onun sözlərinə görə, "Azercell Telecom" BM-də dövlət payının özəlləşdirilməsi ilə bağlı son sözü hökumət deyəcək.
H.Atəş bildirib: "Bir müddət öncə biz bütün lazımi sənədləri müvafiq dövlət orqanlarına təqdim etmişik və bu məsələ ilə bağlı xəbər gözləyirik".
BM-də Rabitə və İnformasiya Texnologiyaları Nazirliyinin qismində Azərbaycan hökumətinin payı 35,7 faiz təşkil edir.
Azərbaycan Rabitə Nazirliyi və "Fintur Holdinqs" tərəfindən təsis edilmiş "Azercell Telecom" BM 1996-cı il dekabr ayından fəaliyyət göstərir.