Parisin Apelyasiya məhkəməsi Malta FIMbankının (First International Merchant Bank) yanvar ayında Azərbaycanın xeyrinə qəbul olunmuş qərara dair şikayətin verilməsi üzrə müraciətini nəzərdən keçirəcək. Bu barədə Trend ə bazar ertəsi Azərbaycanın Rabitə və İnformasiya Texnologiyaları Nazirliyindən məlumat verilib.
FIMbank 2004-cü ilin iyul ayında guya Rabitə Nazirliyi və Poçtbank AKB-nin zəmanəti altında Rabitə Nazirliyinin mövcud olmayan müəssisələrinə (Aztell müəssisəsinə 3035000 ABŞ dolları, Baktell müəssisəsinə 1560000 ABŞ dolları məbləğində) verilmiş kreditin ödənilməməsi faktı üzrə iddia ilə Azərbaycan hökümətinə qarşı çıxış edib. Belə ki, Parisin Yuxarı instansiya məhkəməsi (Tribunal Le Grande Instance de Paris) Eutelsat S.A. şirkətinə qoyulmuş, 6,5 mln. avro məbləğində qiymətləndirilən Rabitə Nazirliyinin vəsaitlərinə qoyulmuş həbsin ləğv olunması haqqında Azərbaycanın xeyrinə qərar çıxarıb. Bank bu qərarla razılaşmayıb və ona şikayət vermək üçün Apelyasiya məhkəməsinə müraciət edib. "Biz Apelyasiya məhkəməsinin yanvarın 18-dək bu məsələ ilə bağlı qərar verəcəyini gözləyirik", - deyə nazirlikdən bildirilib.
Əgər Apelyasiya məhkəməsi bankın xeyrinə qərar çıxarsa, o zaman Azərbaycan tərəfinin qərara dair şikayət vermək üçün Ali məhkəməyə müraciət etməkdən başqa çıxış yolu qalmır.
Qeyd edək ki, Parisin Yuxarı instansiya məhkəməsinin qərarı oktyabrın 13-də keçirilmiş məhkəmə iclasının yekunu üzrə noyabrın 10-da qəbul olunub. Məhkəmənin qərarına əsasən, bank Azərbaycan tərəfinə vurduğu mənəvi ziyana görə 5 min avro və məhkəmə -prosedur məsələlərinə görə əlavə olaraq 900 avro həcmində məbləğ ödəməlidir.