Azərbaycan,Bakı/müxbir Trend S.Babayeva/ Azərbaycanın Rabitə və İnformasiya Texnologiyaları Nazirliyi ölkə prezidentinə respublikada regional innovasiya zonasının (RİZ) yaradılması üzrə təkliflərini təqdim edib. Bu barədə cümə axşamı informasiya cəmiyyəti beynəlxalq gününə həsr olunmuş görüşdə rabitə naziri Əli Abbasov məlumat verib.
İlkin təkliflər layihənin məsləhətçisi Amerikanın "Booz Alen Hamilton" şirkəti tərəfindən hazırlanıb. Təkliflərə həmçinin vergi və gömrük qanunvericiliyinə əlavələr də daxildir. Bu, layihənin reallaşdırılmasına xarici investorların cəlb olunmasına nail olmaq üçün lazımdır.
Regional İnnovasiya Zonası kiçik və orta innovasiya sahibarlığının inkişafı üçün texnoparkların yaradılması, elektron avadanlıq və proqram təminatının istehsalı və ixracı üzrə bazanın yaradılması, ölkənin tranzit informasiya mərkəzinə (Data Centre) çevrilməsini nəzərdə tutur.