Azərbaycan, Bakı, 22 iyun /Trend, müxbir E. Əliyev/
Korporativ və Büdcə Sektorlarında Hesabatlılıq Layihəsinin icraçı orqanı qismində çıxış edən Azərbaycanın Maliyyə Nazirliyi Maliyyə Elm Təlim Mərkəzinin (METM) regional ofisləri üçün informasiya texnologiyaları (İT) avadanlıqlarının satınalınması üzrə tender elan edib. Trend-in məlumatına görə, bu barədə şənbə günü Tender Komissiyasının rəsmi mətbuatda dərc edilən məlumatında deyilir.
Layihə Beynəlxalq İnkişaf və Yenidənqurma Bankının (BİYB) vəsaitləri hesabına maliyyələşdirilir. Tender Dünya Bankının uyğun qaydalarına və prosedurları ilə idarə olunacaq. Təchizat və quraşdıma işlərinin yerinə yetirilmə müddəti müqavilə imzalandığı gündən etibarən 2 ay təşkil edir.
Bütün təkliflərin dəyəri 10 000 dolları və ya sərbəst konvertasiya oluna bilən valyutadan az olmamaqla sığortalanmalıdır. İngilis dilində tərtib edilən təkliflər 16 iyul 2013-cü il saat 15:00-dək komissiyaya təqdim edilməlidir. Təkliflərin açılması 16 iyul 2013-cü il saat 15:00-də baş tutacaq.
Əlavə məlumatı saat 10:00-17:00-dək Maliyyə Nazirliyindən və ya aşağıdakı ünvan üzrə əldə etmək mümkündür:
Ünvan: AZ 1022, Baki, Səməd Vurğun küçəsi, 83;
Telefon: +99412 404 4727, +99412 404 4716
е-mail: [email protected]
Əlaqəli şəxs: Layihənin İdarəetmə qrupunun direktoru Fuad Nəsirov