ABŞ Hərbi Hava Qüvvələri (HHQ) uzaq radiuslu raketləri məhv edə bilən raket əleyhinə sistemin (RƏM) sınağını həyata keçiriblər. Bu barədə Röyter agentliyi Pentaqonun bəyanatına istinadən məlumat yayıb.
Raket-hədəf Kadyak adasından, qırıcı-raket isə ABŞ HHQ-nin Kaliforniyadakı Vandenberq bazasından havaya buraxılıb.
Digər detallar barədə məlumat verilmir.
ABŞ Çexiyada bir radar və Polşada on qırıcı-raket yerləşdirmək niyyətindədir. Məqsəd İrandan ehtimal olunan təhlükənin qarşısını almaqdır.