İran Parlamentinin Tehrandan olan nümayəndəsi Ruhullah Hüseyniyan Parlamentin rəyasət heyətinə deputatlıq mandatından imtina etməsi haqqında məktub ünvanlayıb. Bu barədə Trend İranın FARS xəbər agentliyinə istinadən məlumat yayıb.
Hüseyniyan öz imtina məktubunda yazıb ki, "12 ildir ki, İranda" özünü islahatçılar adlandıran" düşərgəyə qarşı mübarizə apardığını və bu müddət ərzində həmin düşərgə tərəfdarları tərəfindən çoxlu əziyyətlər çəkdiyini, töhmətlər və təhqirlər gördüyünü bəyan edib. Hüseyniyan deyib ki, "İslahatçılar" Parlamentin rəyasət heyətinin sədrinin yanında əzizdir. O, Parlamentin müdafiə komitəsinin sədrini "Fitnəçi" adlandırıb. Həmçinin, onun seçkilərdə saxtakarlıq olması ideyasını sürənlərdən olduğunu deyib.
Hazırda hakimiyyətdə olan konservativlərin ən güclü rəqibi reformist düşərgədir.