İranın xarici işlər naziri Mənuçöhr Müttəki bu gün dünya ölkələrinin Tehrandakı səfirləri ilə görüşüb. Görüşdə Müttəki İsrailin Qəzzaya hərbi müdaxiləsinin ildönümünün "Müqavimət günü" adlandırıldığını deyib və əlavə edib ki, dünya ictimaiyyəti "sionist"lərin cəzalandırılmasına məsuliyyətlə yanaşmalıdır. Məlumatı ISNA agentliyi yayıb.
Müttəki dünya ölkələrinin Fələstin xalqına kömək etməsinin zəruriliyini vurğulayıb və deyib ki, "sionist cinayətkarlar" cəzalandırılmalıdır və dünya ictimaiyyəti də onların cəzalandırılması məsələsinə məsuliyyətlə yanaşmalıdır.