Bu gün səhər İranın Gülüstan əyalətinin İncəburun şəhəri yaxınlığında Rixter cədvəli üzrə 4,6 bal gücündə zəlzələ baş verib. Bu barədə Trend İran televiziyasının rəsmi xəbər saytı iribnews-a istinadən məlumat yayıb.
Tehran Universitetinin Geofizika İnstitutu yanında Seysmoloji Mərkəz zəlzələnin yerli vaxtla saat 06:54-da baş verdiyini qeyd edib.
Zəlzələ nəticəsində ölən və yaralananlar barədə hələ ki, heç bir məlumat yoxdur.