İranın təhlükəsizlik qüvvələri Tehranın "Mehrabad" hava limanında Zahidandan Tehrana uçan təyyarə ilə gəlmiş 4 nəfəri həbs edib. Bu barədə İranın "javannewspaper.com" internet-qəzeti məlumat verir.
Qəzet yazır ki, anonim mənbədən verilən məlumata əsasən, həbs edilmiş şəxslər "əl-Qaidə" terror təşkilatının üzvləridir.
Məlumata əsasən, həmin şəxslərdən bir ədəd fotoaparat, bir ədəd noutbuk, bir neçə flaşkart, Əfqanıstan və Bəluçistan xalqlarının milli geyimi və bir neçə şəxsiyyət vəsiqəsi müsadirə olunub.