Azərbaycan, Bakı, 21 iyul /Trend/
Bütün ölkələrin başçıları İranın yeni seçilmiş prezidenti Həsən Ruhaninin inauqurasiyasına dəvət ediliblər, Trend-in İSNA agentliyinə istinadən, bu barədə İran XİN-in mətbuat katibi Abbas Əraqçi bildirib.
Onun sözlərinə görə, həmçinin Avropa ölkələrinin başçıları və ABŞ prezidenti də dəvət edilib.
Bəzi ölkələrin başçıları artıq dəvəti qəbul edib və inauqurasiya mərasimində iştirak edəcəklərini bildiriblər, Əraqçi əlavə edib.
Bundan əvvəl parlamentin rəyasət heyətinin mətbuat xidmətinin başçısı Qolam-Reza Mesri bildirib ki, İsraildən başqa bütün ölkələr mərasimdə iştirak edə bilər.
Həsən Ruhaninin inauqurasiyası mərasimi avqustun 4-də olacaq.