Azərbaycan, Bakı, 27 fevral /Trend/
Cümə axşamına keçən gecə naməlum şəxslər Krımda Ali Şuranın və Nazirlər Şurasının binalarını tutublar. Trend xəbər verir ki, bu barədə Krım Ali Şurasının mətbuat xidmətinin nümayəndəsinə istinadən Rusiya KİV-i xəbər yayıb.
Mənbə bildirib: "Biz işə gəldik, lakin Ali Şuraya daxil ola bilmədik: bina milislər tərəfindən əhatə olunmuşdu... Bizə bildirdilər ki, binanı ələ keçiriblər, bu gün iş olmayacaq. Krımın Nazirlər Şurasında da vəziyyət eynidir".