Azərbaycan, Bakı, 2 may /Trend/
Ukraynada etirazçılar danışıqlardan sonra Luqansk vilayətinin prokurorluğunun binasını tərk ediblər.
Trend-in cümə günü UNİAN-a istinadən verdiyi məlumata görə, hakimiyyət nümayəndələri və binanı zəbt etmiş insanlar arasında danışıqlar sayəsində razılıq əldə edilib.
Operativ istintaq qrupu hazırda prokurorluğun binasında çalışır.
Qeyd edək ki, aprelin 29-da separatçılar vilayət administrasiyası və prokuorluğunun binasını tutmuşdular.