Azərbaycan, Bakı, 5 iyul /Trend/
İraqın Samirə şəhərindən cənuba doğru, Bağdaddan 125 kilometr şimalda cümə günü baş vermiş partlayış nəticəsində ən azı 15 nəfər ölüb, 25 nəfər xəsarət alıb.
Trend RİA Novosti agentliyinə istinadən bu barədə məlumat verir.
İraq qoşunları yerləşən rayonda terrorçu-kamikadze partlayıcı qurğu ilə dolu avtomobildə özünü partladıb. Hadisənin digər təfərrüatları dəqiqləşdirilir.
Hələlik heç bir qruplaşma terror aktına görə məsuliyyəti öz üzərinə götürməyib.