Azərbaycan, Bakı, 11 dekabr /Trend/
Londonun bir neçə yüz sakini ABŞ-da polisin qaradərili vətəndaşı öldürməsinə etiraz əlaməti olaraq uzanmış vəziyyətdə aksiya keçiriblər. Trend xəbər verir ki, bu barədə "İnterfaks" Britaniyanın "Sky News" telekanalına istinadən məlumat yayıb.
Bu etiraz aksiyasının 70-dən artıq iştirakçısı saxlanılıb. Etirazçılar Londonun qərb hissəsində yerləşən "Uestfild" ticarət mərkəzinin düz qarşısında yerə uzanıblar. Onların əksəriyyəti əllərində üzərində "Qaradərililərin həyatı əhəmiyyətlidir" və "Ferqyusonla həmrəylik" sözləri yazılmış plakatlar tutublar.
Bu günlərdə ABŞ-ın bir çox şəhərlərində irqçiliyə və polis özbaşınalığına qarşı kütləvi nümayişlər keçirilir.