Bakı. Rufiz Hafizoğlu - Trend:
Moskva Suriya ordusu ilə ölkədə etnik türkmanlara qarşı birgə hərbi əməliyyatlar keçirməklə Türkiyə ilə münasibətlərini təhlükəyə salır. Bunu Trend-ə Türkiyə Prezidenti Administrasiyasından deyiblər.
Administrasiyadan qeyd ediblər ki, Suriyadakı etnik türkmanların bu ölkədəki terror qruplaşmaları ilə heç bir əlaqəsi yoxdur: "Bu fonda Rusiyanın qəsdən Türkiyə ilə əlaqələri korlamağa çalışması təəssüratı yaranır".
Administrasiyadan bildiriblər ki, Türkiyə suriyalı türkmanlara qarşı hərbi əməliyyatları regionun türkdilli əhalisinə qarşı etnik təmizləmənin başlaması kimi qiymətləndirə bilər.