Bakı. Trend:
Türkiyə Jandarma Komandanlığının binası hərbi çevrilişə cəhd edənlərdən azad edilib. Bu barədə Trend Türkiyənin TRT Haber telekanalına istinadən məlumat verib.
Binanı qiyamçılardan xüsusi polis dəstələri azad edib və orada olan qiyamçı hərbçiləri zərərsizləşdiriblər.
Qeyd edək ki, ötən gecə Türkiyədə hərbi çevrilişə cəhd edilib. Hərbi çevrilişə cəhd nəticəsində 17 polis əməkdaşı olmaqla 90 nəfərin həlak olduğu bildirilir. Məlumata görə, 1500-dən artıq insan xəsarət alıb. Hərbi çevrilişə cəhdə görə 1563 hərbçinin həbs olunduğu bildirilir.