Ankara. Atilla Caner - Trend:
Türkiyədə Rusiyanın Ankaradakı keçmiş səfiri Andrey Karlovun qətlə yetirilməsi işi üzrə 33 yaşlı RF vətəndaşı saxlanılıb.
Trend-in Türkiyə mətbuatına istinadən verdiyi məlumata görə, saxlanılan Yekaterina B.-nin qatillə yaxın əlaqəsi olub.
Digər təfərrüatlar barədə məlumat verilmir.
Bundan əvvəl A.Karlovun qətlə yetirilməsi işi üzrə ikisi polis əməkdaşı olmaqla 3 nəfər saxlanılıb.
Qeyd edək ki, Rusiyanın Türkiyədəki sabiq səfəri A.Karlov ötən il dekabrın 19-da Ankarada fotosərgidə çıxışı zamanı güllələnib.