Bakı. Trend:
Bəhreyn hökuməti bildirib ki, ölkənin yüksək vəzifəli şəxslərinin üzərinə hücum planlaşdıran 14 nəfərlik terrorçu qrupunun üstünü açıb.
Trend-in RİA Novosti-yə istinadən verdiyi məlumata əsasən bu haqda Röyter agentliyi xəbər verib.
Məlumata görə, qruplaşmanın üzvlərinin fevralın sonunda beş hüquq-mühafizə orqanı əməkdaşının xəsarət aldığı polis avtobusuna hücumla əlaqəsi ola bilər.
Bəhreyn xəbər agentliyi məlumat verir ki, ölkənin Daxili İşlər Nazirliyinin bəyanatına əsasən qruplaşmaya biri ABŞ-ın "beynəlxalq terrorçu" elan etdiyi şəxs olmaqla 2 nəfər başçılıq edib.