Bakı. Trend:
Suriyanın Şərqi Quta əyalətində 30-dan artıq insan terrorçuların əsirliyindən azad edilib.
Trend-in "İnterfaks"a istinadən verdiyi məlumata görə, bunu Suriyada düşmən tərəflərin barışdırılması üzrə Mərkəzin rəisi general-mayor Yuriy Yevtuşenko deyib.
O bildirib: "Miqyasına görə misilsiz əməliyyatın keçirilməsi zamanı 34 nəfər qanunsuz silahlı birləşmələrin əsirliyindən azad edilib".
Qeyd edək ki, martın 31-i Suriyada düşmən tərəflərin barışdırılması üzrə Mərkəzin köməyi ilə 8 nəfər terrorçuların əsirliyindən azad edilib. "Humanir pauzalar" başlayandan Şərqi Qutadan ümumilikdə 150 mindən çox insan çıxıb.