Bakı. Trend:
Kanadanın Toronto şəhərində mikroavtobusun piyadaların üzərinə sürülməsi nəticəsində 10 nəfər həlak olub, 15 nəfər isə yaralanıb.
Trend-in "RİA Novosti"yə istinadən verdiyi məlumata görə, bu barədə mətbuat konfransı zamanı yerli polis rəisi Mark Saunders bildirib.
XXX
01:25
Kanadanın Toronto şəhərində mikroavtobusun piyadaların üzərinə sürülməsi nəticəsində 9 nəfər həlak olub, 16 nəfər isə yaralanıb.
Trend-in məlumatına görə, bunu Toronto şəhər polisinin rəis müavini Piter Yuen bildirib.
P. Yuen deyib: "Hazırda 9 nəfərin öldüyü və 16 nəfərin yaralandığını təsdiq edə bilərik".
XXX
00:32
Kanadanın Toronto şəhərində mikroavtobus piyadaların üzərinə sürülüb.
Trend-in məlumatına görə, hadisə nəticəsində bir nəfər həlak olub, 7 nəfər isə yaralanıb. Onlardan 5-nin vəziyyəti çox ağır, birinin ağır, digərinin isə orta-ağır kimi qiymətləndirilir.
Toronto polisi mikroavtobusun sürücüsünü saxlayıb.
XXX
23:57
Kanadanın Toronto şəhərində naməlum şəxs mikroavtobusu piyadaların üzərinə sürüb.
Trend-in məlumatına görə, hadisə nəticəsində 10 nəfərə yaxın insan müxtəlif dərəcəli xəsarətlər alıb.
Yerli polis "Twitter"də bildirib ki, hadisə baş verən rayon mühasirəyə alınıb.
Qeyd edək ki, Torontoda 21-23 aprel "G7" ölkələrinin nazirlərinin görüşü keçirilir.