Bakı. Trend:
Kiprin ədliyyə və ictimai asayiş naziri İonas Nikolau ölkədə baş vermiş silsilə qətllərlə əlaqədar istefa verib.
Trend-in məlumatına görə, ölkə prezidenti nazirin istefasını qəbul edib.
Qeyd olunur ki, istefaya səbəb polis orqanlarının cinayətlərin araşdırılmasında səhlənkarlığı olub.
Bir müddət əvvəl Kiprdə 5 qadın və 2 uşağın qətlində ittiham edilən hərbçi həbs olunub. Qurbanların yaxınları bildirib ki, uzun müddət polislər həmin şəxslərin itməsi ilə bağlı heç bir tədbir görməyib.