Bakı. Trend:
Hindistanın Kosmik Tədqiqatlar Təşkilatı iyulda Aya "Çandrayan-2" stansiyasını göndərməyə hazırlaşır.
Trend-in məlumatına görə, stansiyanın iyul ayının 9-16 tarixlərində göndərilməsi planlaşdırılır.
Qeyd olunur ki, həmin stansiya Ayın səthinin mineraloji tərkibini tədqiq edəcək.
"Çandrayan-2" stansiyasının ötən ilin aprelində göndərilməsi nəzərdə tutulsa da, bir sıra səbəblərlə əlaqədar missiya bu ilə təxirə salınmışdı.
Bundan əvvəl, Hindistan 2008-ci ildə Aya "Çandrayan-1" missiyasını göndərmişdi.