Bakı. Trend:
Koreya Xalq Demokratik Respublikası KXDR Yaponiya dənizi istiqamətində naməlum raket buraxıb.
Trend-in məlumatına görə, bu barədə Cənubi Koreya Silahlı Qüvvələrinin Baş qərargah rəisləri komitəsi bildirib.
Bununla birlikdə, Yaponiya sahil mühafizəsi bir raketin, böyük ehtimalla, KXDR-dən atıldığını, Yaponiyanın eksklüziv iqtisadi zonasının xaricinə düşdüyünü bildirib.
Qeyd edək ki, martın 9-da Şimali Koreyanın Mərkəzi Teleqraf Agentliyi KXDR Dövlət Şurasının sədri Kim Çen Inın uzun məsafəli artilleriya təlimlərinə rəhbərlik etdiyini bildirib. Cənubi Koreya Baş Qərargah Rəisləri Komitəsinin məlumatına görə, Şimali Koreya Hamqen-Pukto vilayətində Sondok şəhəri yaxınlığından üç az məsafəli mərmi buraxıb.