Bakı. Trend:
İranın xarici işlər nazirinin müavini Abbas Araqçı İslam Respublikasında ABŞ-ın maraqlarını təmsil edən İsveçrənin səfirini Xarici İşlər Nazirliyinə çağırıb.
Trend-in "TASS"a istinadən verdiyi məlumata görə, bu barədə İran XİN-nin mətbuat xidmətindən bildiriblər.
A.Araqçı İsveçrə səfiri ilə söhbərində Vaşinqtona Venesuelaya gedən İran tankerlərinin təqib olunması ilə bağlı xəbərdarlıq edib.
Bundan əlavə, İran XİN rəhbəri Məhəmməd Cavad Zərif BMT-nin baş katibi Antoniu Quterreşə məktub göndərib. Məktubda nazir vurğulayıb ki, "ABŞ beynəlxalq hüquqa, xüsusən naviqasiya azadlığına hörmət etməlidir".