Bakı. Trend:
OPEC və bu quruma daxil olmayan ölkələrin nazirlərinin görüşü əvvəlki kimi iki gün ərzində yox, bir gündə, iyunun 6-da keçiriləcək.
Trend-in məlumatına görə, bunu danışıqlarda iştirak edən mənbələrdən biri bildirib.
Qeyd olunur ki, OPEC nazirlərinin görüşü Vyanada yerli vaxtla saat 14:00-da, OPEC-ə daxil olmayan ölkə nazirlərin görüşü saat 16:00-da nəzərdə tutulub.
Görüşlər zamanı neft hasilatının azaldılması qərarının müddətinin uzadılması gözlənilir.
Xatırladaq ki, bu ilin aprel ayında OPEC+ ölkələri hasilatı 9,7 milyon barel/sutka azaltmaq qərarı vermişdi.