...

İranda koronavirusdan ölənlərin sayı 21 min nəfəri keçdi

Dünya xəbərləri Materials 26 Avqust 2020 14:00 (UTC +04:00)
İranda koronavirusdan ölənlərin sayı 21 min nəfəri keçdi

Bakı. Elnur Bağışov - Trend:

İranda ötən sutka ərzində 119 nəfər koronavirusdan (COVID 19) ölüb.

Trend-in məlumatına görə, bunu İranın Səhiyyə, Müalicə və Tibbi Təhsil Nazirliyinin sözçüsü Sima Sadat Lari deyib.

S.Sadat Larinin sözlərinə görə, bununla da İranda bu virusdan ölənlərin sayı 21 020 nəfərə yüksəlib.

Nazirlik rəsmisi deyib ki, İranda ötən 24 saat ərzində 2 243 nəfər koronavirusa yoluxub. Beləliklə İranda bu virusa yoluxanların sayı 365 606 nəfərə çatıb. Virus daşıyıcılarından 3 831 nəfərin vəziyyəti ağırdır.

Sadat Lari əlavə edib ki, İranda indiyədək 314 870 nəfər koronavirusdan sağalıb.

Sadat Lari qeyd edib ki, İranın Tehran, Mazandaran, Gilan, Qum, İsfahan, Rəzəvi Xorasanı, Şərqi Azərbaycan, Kirman, Şimali Xorasan, Simnan, Yəzd, Zəncan və Qəzvin qırmızı zonalar hesab olunurlar.

İranda indiyədək 3,11 milyondan çox diaqnoz testi həyata keçirilib.

Məqalədə:
Xəbər lenti

Xəbər lenti