Bakı. Trend:
İsveçrə prokurorluğu Luqano şəhərində yerləşən mağazada iki qadına bıçaqla hücum edən qadına qarşı cinayət istintaqı başlayıb.
Trend-in məlumatına görə, bu barədə Federal polis idarəsi öz "Twitter" səhifəsində bildirib.
Qeyd edilib ki, terror aktı törədilməsi versiyasi araşdırılır:
"24 noyabrda Luqanodaki mağazada terror hücumu edildiyi ehtimal edilir. Federal prokurorluq cinayət işi açıb".
“20 Dəqiqə” məlumat portalının verdiyi məlumata görə, hadisə yerli vaxtla təxminən saat 14:00-da ölkənin Luqano şəhərində (Tiçino kantonu) yerləşən böyük mağazalardan birində baş verib.