Bakı. Trend:
Böyük Britaniyanın Baş naziri Boris Conson yüzlərlə insanın toplaşa biləcəyi müəssisələr üçün COVID-keçid sisteminin tətbiq edildiyini açıqladı.
Trend-in məlumatına görə, bu barədə "The Guardian" qəzeti bildirib.
Baş nazir bildirib: "Biz 500-dən çox insanların toplaşa biləcəyi qapalı məkanlar da daxil olmaqla, gecə klublarına, kütləvi yerlərə və 4 mindən çox insanın otura biləcəyi açıq məkanlarda, eləcə də hər hansı digər müəssisələrdə COVID-keçidlərini məcbur olaraq tətbiq edirik"
Qaydalar dekabrın 10-dan qüvvəyə minəcək.
Həmçinin, ölkə sakinlərindən ictimai yerlərdə, o cümlədən teatr, restoran və kinoteatrlarda maska taxmaq tələb olunacaq. Britaniyalılara dekabrın 13-dən etibarən evdən işləməyə tövsiyə olunur.