Bakı. Trend:
Türkiyənin xarici işlər naziri Mövlud Çavuşoğlu onun dəvəti ilə Türkiyədə aprelin 6-7-də rəsmi səfərdə olan rusiyalı həmkarı Sergey Lavrov ilə Xarici İşlər Nazirliyinin rəsmi iqamətgahında iftar süfrəsi arxasında görüşüb.
Trend Türkiyə KİV-lərinə istinadən xəbər verir ki, Sergey Lavrovu Rusiyanın Türkiyədəki səfiri Aleksey Yerxov müşayiət edib.
Aprelin 7-də nazir Mövlud Çavuşoğlunun rusiyalı həmkarı Sergey Lavrovla ikitərəfli görüş keçirəcəyi və beynəlxalq gündəmdəki müxtəlif məsələləri müzakirə edəcəyi və onunla birgə mətbuat konfransı keçirəcəyi gözlənilir.