Bakı. Trend:
Qarşıdurmaların davam etdiyi Sudanda qalan Türkiyə vətəndaşlarının təxliyə missiyası üçün Vadi Seyidna hava limanına gedən C-130 təxliyə təyyarəsinə yüngül silahlardan atəş açılıb.
Trend-in Türkiyə KİV-nə istinadən verdiyi məlumata görə, Türkiyə Milli Müdafiə Nazirliyi qarşıdurmaların davam etdiyi Sudanda qalan Türkiyə vətəndaşlarının təxliyəsini davam etdirir.
"Təyyarəmiz sağ-salamat Sudanda yerə eniş edib, heç bir personal yaralanmayıb", - deyə bildirilib.
Xatırladaq ki, Sudanda silahlı qüvvələr ilə Çevik Reaksiya Qüvvələrinin hərbiləşdirilmiş qrupu arasında qarşıdurmalar yaşanır.