Bakı. Trend:
Türkiyə Silahlı Qüvvələri Fondunun ASELSAN şirkəti dünyanın ən yaxşı 100 müdafiə sənayesi şirkəti siyahısında 47-ci yerdə qərarlaşıb.
Trend-in TurkicWorld-a istinadən məlumatına görə, bu barədə ASELSAN-ın baş direktoru Ahmet Akyol bildirib.
"Siyahıda yer almağımız türk müdafiə sənayesinin qlobal arenada qət etdiyi məsafənin göstəricisidir. Daha yüksək pillələrə qalxmaq üçün daha çox çalışacağıq", - deyə o,qeyd edib.
Qeyd edək ki, ASELSAN ilk dəfə 2006-cı ildə 97-ci yeri tutaraq dünyanın ən yaxşı 100 müdafiə sənayesi şirkəti siyahısına daxil olub.