Bakı. Trend:
Almaniya Kansleri Olaf Şolts İsrailə səfər edib.
Trend xarici KİV-ə istinadən xəbər verir ki, Almaniya Kansleri Olaf Şoltsu hava limanında İsrail xarici işlər naziri Eli Kohen qarşılayıb.
Kansler Şolts səfər çərçivəsində İsrailin Baş naziri Benyamin Netanyahu, Prezident İsaak Hersoq və digər rəsmilərlə görüşəcək.
Xatırladaq ki, oktyabrın 7-də səhər saatlarında İsrail ərazisi Qəzza zolağından raket atəşinə tutulub. Nəticədə ölənlərin sayı 1400-ü keçib, 3000-dən çox adam yaralanıb. Ərazidə 1 300-dən çox bina dağılıb. İsrail ordusu "müharibə hazırlığı vəziyyəti" elan edib və cavab olaraq "Dəmir Qılınclar" əməliyyatına başladığını bildirib.