Bakı. Trend:
Türkiyənin Manisa şəhərində yaşadıqları binanın liftində ölü tapılan Devrim Güler ilə qızı Doğa Etyemezin qatilinin kimliyinə aydınlıq gəlib.
Trend xəbər verir ki, aparılan araşdırma zamanı məlum olub ki, ana və qızını öldürərək liftdə izi itirməyə çaışan şəxs qonşuları Atalay Yüksel olub. Polislər tərəfindən dindirilən şübhəli cinayəti törətdiyini etiraf edib.
O da məlum olub ki, qonşusu Devrim Güler ilə sevgili olmaq istədiyi üçün onun qızı Doğanı aralarında yaranan mübahisə zamanı naqillə boğub. Yüksel ifadəsində bildirib: "Devrim Güleri də evə gəlincə boğaraq öldürdüm. Hadisədən sonra hər ikisinin də cəsədini liftə qoydum və lifti 4-üncü mərtəbəyə göndərdim".
İstintaq işi açılıb, araşdırmalar davam etdirilir.