Bakı. Trend:
Ötən gecə İranın cənub-şərqində yerləşən Sistan və Bəluçestan vilayətinin Zahidan rayonunda baş verən zəlzələ nəticəsində 25 nəfər xəsarət alıb.
Trend-in məlumatına görə, bunu İranın Zahidan şəhəri Xatəmül-Ənbiya xəstəxanasının rəhbəri Məhəmməd Rza Miradi deyib.
M.Miradinin sözlərinə görə, zəlzələ nəticəsində xəsarət alanların vəziyyəti qənaətbəxşdir. Əsasən mənzilləri tərk edərkən xəsarət alıblar.
Qeyd edək ki, ötən gecə yerli vaxtla 01:14-də Sistan və Bəluçestan vilayətinin Zahidan rayonunda 10 km dərinlikdə 4,7 bal gücündə zəlzələ baş verib.