Bakı. Trend:
Türkiyənin yerli imkanlarla hazırladığı ilk torpeda (Özü hərəkət edən və öz-özünə idarə olunan siqaraoxşar sualtı mərmi - red.) olan AKYA bu gün Türkiyə Hərbi Dəniz Qüvvələrinin inventarına daxil edilib.
Trend-in TurkicWorld-ə istinadən məlumatına görə, Türkiyə bu yaxınlarda milli və yerli idarəedici mərmi olan ATMACA-nı inventara əlavə edib.
Türkiyə müdafiə sənayesi tərəfindən hazırlanan, gəmilərdən hava hədəflərinə qarşı istifadə ediləcək HİSAR dəniz milli və yerli idarə olunan raketi də qısa müddətdə istifadəyə veriləcək.
Tamamilə yerli və milli resurslarla hazırlanmış yeni nəsil ağır sinif AKYA torpedası sualtı və yerüstü hədəfləri vurma qabiliyyəti ilə seçilir.
50 kilometr mənzilə malik olan AKYA torpedası akustik əks-tədbir qabiliyyəti ilə tanınır.
Milli torpeda sayəsində müdafiə sənayesində xaricdən asılılıqda daha bir böyük mərhələ arxada qalıb.