Polşa hərbçiləri dekabrın 30-da Ukrayna ilə sərhəddə dünən ölkəyə tərəf uçan Rusiya raketinin mümkün hissələrini axtarıblar.
Trend xəbər verir ki, bu barədə Polşa Əməliyyat Komandanlığının “X“ səhifəsində məlumat verilib.
“Axtarış nəticəsi mənfi olub. Lyublin vilayətinin sakinlərinin təhlükəsizliyini təhdid edə biləcək heç nə aşkar edilməyib. Döyüşlər başa çatıb və biz əlavə çöl yoxlamaları planlaşdırmırıq”, - deyə məlumatda bildirilir.
Xatırladaq ki, dekabrın 29-da ruslar Ukrayna ərazisinə raketlər də daxil olmaqla 150-dən çox hava hədəfi atıb.
Hücum zamanı Polşanın hava məkanının naməlum obyekt tərəfindən pozulduğu məlum olub. Sonradan məlum oldu ki, bu, Rusiya raketidir.
Ölkədə baş verən insidentlə əlaqədar prezident Anjey Duda hərbçilərlə təcili iclas keçirib.