Bakı. Trend:
Rusiyanın İvanov vilayətində "İl-76" hərbi təyyarəsi planlı uçuş həyata keçirərkən qəzaya uğrayıb.
Trend xəbər verir ki, bu barədə Rusiyanın Müdafiə Nazirliyi məlumat yayıb.
Bildirilib ki, təyyarədə 8-i ekipaj üzvü və 7-si sərnişin olmaqla, 15 nəfər olub.
Qəzaya təyyarənin mühərriklərindən birində baş verən yanğının səbəb olduğu bildirilib.
Hazırda hadisə ilə bağlı araşdırma aparılır.