Bakı. Trend:
İspaniya hüquq-mühafizə orqanları karbohidrogen sektorunda fırıldaqçılıqla mübarizə üzrə genişmiqyaslı əməliyyat həyata keçirib.
Trend xəbər verir ki, əməliyyat çərçivəsində indiyədək 14 nəfər saxlanılıb.
Məlumata görə, şübhəli şəxslər son iki il ərzində 182 milyon avro məbləğində dələduzluq edən şəbəkənin üzvləri kimi tanınırlar. İspaniyanın müxtəlif əyalətlərində, o cümlədən Madriddə, onlara məxsus evlər və şirkət binalarında artıq 11 axtarış aparılıb.
Prokurorluq bildirir ki, istintaq altındakı qrupun cinayət strukturu olduqca mürəkkəbdir və onun yüksək səviyyədə təşkil edildiyi diqqəti çəkir.