Bakı. Trend:
Braziliya hakimiyyəti terrorizmlə mübarizədə BRICS ölkələri arasında əməkdaşlığın artırılmasının tərəfdarıdır və artıq icma üzvlərinə “konkret təkliflər” göndərib.
Trend-in məlumatına görə, bu barədə Braziliya prezidentinin beynəlxalq məsələlər üzrə xüsusi köməkçisi Selso Amorim bildirib.
Diplomat xatırladıb ki, 2009-cu ildən terrorizmlə mübarizə və informasiya texnologiyaları sahəsində işçi qruplarının yaradılması sayəsində BRICS ölkələrinin milli təhlükəsizlik müşavirlərinin görüşləri keçirilir.
"Braziliya artıq bu iki qrupa ixtisaslaşmış qurumların potensialını artırmaq üçün xüsusi təkliflər təqdim edib", - deyə o qeyd edib.