Bakı. Trend:
Suriyanın şimal-şərqində baş verən ağır yol qəzası nəticəsində uşaqlar da daxil olmaqla azı 12 nəfər həyatını itirib.
Trend-in SANA agentliyinə istinadən verdiyi məlumata görə, Əş-Şəddədə–Həsəkə avtomobil yolunda yanacaq daşıyan tanker avtobusla toqquşub. Hadisə nəticəsində ölən və yaralananlar olub.
Suriya Mülki Müdafiə Xidmətinin son açıqlamasına görə, ilin əvvəlindən ölkədə 1 500-dən çox yol-nəqliyyat hadisəsi baş verib, nəticədə 80-dən çox insan həlak olub.