Bakı. Trend:
Rusiyanın Anapa şəhərində Sənaye Texnikumunun girişində atışma baş verib.
Trend bu barədə Rusiya KİV-ə istinadən xəbər verir.
İlkin məlumata görə, texnikumda təhsil alan tələbələrdən biri odlu silahdan atəş açıb. Hadisə nəticəsində bir nəfər ölüb, bir neçə nəfər yaralanıb.
Krasnodar diyarının qubernatoru Veniamin Kondratyev həlak olan şəxsin texnikumun mühafizəçisi olduğunu təsdiqləyib.
Bəzi mənbələr yaralı sayının 2 nəfər olduğunu yazır.
Hücumu həyata keçirən şəxs saxlanılıb. Onun 2008-ci il təvəllüdlü olduğu bildirilir. Silahlı hücumun motivləri hələ ki, aydınlaşdırılmayıb.