Bakı. Trend
Türkiyənin Mersin şəhərində Mersin Vilayətinin Baş Polis İdarəsinin Qaçaqmalçılıq və Mütəşəkkil Cinayətkarlıqla Mübarizə Şöbəsinin əməkdaşları Mersin Böyükşəhər Bələdiyyəsində (meriyasında) tenderlərə müdaxilə və rüşvət cinayətləri ilə bağlı əməliyyat keçiriblər.
Trend bu barədə Türkiyə KİV-ə istinadən xəbər verir.
Məlumata görə, əməliyyat çərçivəsində polisin bələdiyyə binasında axtarış apardığı, həmçinin bir çox şübhəli şəxs barəsində saxlanılma qərarının olduğu məlum olub.
Qeyd edək ki, Mersin böyükşəhər bələdiyyəsinə Cumhuriyyət Xalq Partiyasından (CHP) olan mer başçılıq edir.